![]() ![]() Bréfið sendi Jón Hreggviðsson Árna Magnússyni handritasafnara árið 1708 þar sem hann lýsir glímu sinni við réttvísina. Aðalpersónur Íslandsklukkunnar eiga sér allar sögulegar fyrirmyndir en kveikjan að henni er bréf sem Jón Helgason prófessor í Kaupmannahöfn sýndi Halldóri árið 1924. Halldór Laxness styðst mjög við sögulegar heimildir í Íslandsklukkunni og víkur í engu frá sögulegum staðreyndum svo stingi í augu, þótt hann túlki fortíðina á sinn hátt, sveigi hana undir lögmál skáldskaparins. Íslandsklukkan var fyrsta bók Halldórs Laxness sem naut almennrar hylli hér á landi. ![]() Halldór tók nú að ræða við samtíð sína með því að rita sögulega skáldsögu og í verkinu lýsir hann öllu utan frá, útskýrir aldrei hvað persónum býr í huga, lætur þær lýsa sér með orðum sínum en beitir einnig umhverfislýsingum markvisst í því skyni. Íslandsklukkan kom út í þremur hlutum á árunum 1943-46 er Ísland var að öðlast sjálfstæði undan Dönum og kvað hér við nýjan tón á ferli Halldórs Laxness. Þetta er fyrsti hluti skáldsögunnar Íslandsklukkan: Íslandsklukkan ![]()
0 Comments
Leave a Reply. |